اوعا تقول ان ده عبط, اوعا تجنى على المشاعر الجميله والحساس الصادق وتتهمه بالعبط او بانه حاجه زايده عن حدها.
الغلط مش فى المشاعر الجميله ولا فى الحب الحقيقى الغلط فى الاساس فتوجيه الحب ده للانسان اللى ميستهلوش, اوعا تندم فى يوم من الايامعلى حب او تضحيه ئدمتها لحد, لان انت فى الحاله دى بتكون انسان جميل الحاجه الوحيده اللى تندم عليها انك عرفت الانسان ده من البدايه انما اوعا تغير اسلوب حياتك او طبعتك الجميله اللى كلها مشاعر الحب دى عشان انسان ميستهلش عشان مسيرك فى يوم من الايام هتقابل الحبيب او الصاحب اللى يتوافق معاك.
ولازم تعرف ان مش عشان قبلنا انسان معرفش يقدرنا ولا يقدر حبنا اننا نبئه زيه ده عمره مكان الحل ناس كتير تئلك اللى يعملك وحش عامله انت كمان وحش بس ده انا عكسه انا من رائى ان اللى يعملك وحش وميئدركش ابعد عنه وان معرفتش تبعد عنه والظروف حكمت بانك لازم تتعامل معاه يبئه برده اتعامل معاه بطبعتك الكويسه وان كان هو وحش بره لان مفيش اى حاجه تستاهل انى اغير طبعتى عشانها.
وعلى فكره ناس كتييييييييير بتقلى ان اسلوبى ده مينفعش فى الدنيا اللى احنا عيشنها وبتسمى ده كمان عبط زى ما انت قلت واولهم حبيبى واسلوبه ده هو السبب الاساس اللى مخليه رافض انى اشتغل بعد ما اخلص جامعه لانه شايف انى مش هعرف اتعامل مع الناس بحسن النيه دى.
بس مع ده كله انا برده مصممه ان الانسان مش لازم يغير طبيعته الكويسه عشان الناس بئت وحشه.
فى النهايه, هردلك على سؤالك ده لا عبط ولا حب زياده عن الازم انما ده قلب جميل طيب حنين حساس مينفعش يغير كل الصفات الحلوه دى عشان الظروف قبلته بالانسان اللى مش مناسب, هيجى اليوم اللى هيقابل فيه الانسان اللى يقدر كل حاجه حلو جواه, وساعتها بس هيحس انه كان هيرتكب اكبر غلط فى حياته لو كان غير من نفسه ومشى مع طيار الغدر وتبلد المشاعر.
انت صح صح واللى يئلك غير كده يبئه غلط.
dodda