الكدب ام التخبية

ازيكوا يا احلى اعضاء انا النهارده جايب موضوع مهم للغايه ممكن كلنا نشد مع بعض بسبب الموضوع ده بس انا بلنسبالى مهم جدا واكيد برده بالنسبه ليكم كلمكم

الكدب صفه معظمنا ببنكرها ان لم يكن كلنا لانه بيترتب اللى قصدنا بيبنى عليه حياته وخطوات بيخدا فى مستقبله وبيزعل جدا ان اكتشف ناه كان بيكدب عليه جدا جدا وممكن يتسبب ان العلاقه تنتهى سواء كانت علاقه عاطفيه اجتماعية

بس فى حاجه عاوز انبهكوا اليها هى عكس الكدب نهائى وهى ((( التخبية ))) الانسان عندما يتعرف على انسان اخر مش لازم يعرف كل حاجه عن ماضيه من اول ما ولد اللى يوم ان رائها اكيد فى حاجت هبعرفها مع الايام سواء علاقات قديمه او مواضيع قديمه او يمكن كدب على الناس التانيه لسبب من الاسباب هو الوحيد اللى يعرفه بس لما الشخص ده يجى ويكتشف حاجه عن الشخص اللى خباه سواء بالصدفه او حد قاله بيجرى على التانى ويوقوله انت كداب على طول من غير ما يفهم واكيد هو ظلم التانى بس مش معنا ان خبه عليه يبقى كدب عليه وكمنان حياه الانسان ده كانت ملكه لوحده قبل ما يرتبط بالانسان التانى ولازم التانى يكون عقله اكبر من كده و ينسى الماضى للاخر ويبدا يحاسبه من لحظه ارتباطهم ببعض ولا انتم ايه رايكوووووووووووووووووووووووووووووووووا

ياريت كل واحد يقولى رايه هل التخبيه تساوى الكدب ام لا عن الرغم انه ممكن يكون الانسان بيخبى علشان ما يجرحش اللى اصاده ؟؟
مستنى ردودكم وياريت اللى حصله موقف يحكنا علشان نتعلم منه وناقشه وانا بعد ردودكم هحكلكم موقف وياريت انتم اللى تحكوما انا غلطان ولا لا

بصراحه كل القلته صح بس كتير مبيفهمش كده وبيعتبر التخبيه كدب انما التخبيه حاجه والكدب حاجه تانيه وحتى لو سماه كدب دى كانت حياه الانسان قبل ما يعرفه ومش لازم يحاسبه عليها ويعتبر الفات مات ويحاسبه من لحظه ما عرفه ولو اعتبر انه كده كداب ومينفعش يكمل معاه هيبقى ظااااااااااااااااااالم اوى ومكنش يستاهل الانسان ده لان الانسان ده ممكن يكون خبه لان الماضى ده يجرحه او خايف يجرح البيحبه او نفسه ينسى ويبتدى من جديد مش معقوله كل شويه هيفكر نفسه بايده ولا ايه امال ايه بقى الكلام البيتقال ان الانسان لما بيحب بيتولد من جديد يعنى كل الفات مات ولا ده كلام وبس

مستنيه تحكلنا الموقف الحصل معاك

بص, فى تعاملنا مع الناس اللى حولينا اوقات يكون الكدب حاجه والتخبيه حاجه تانيه وممكن يكون الاتنين متساوين.
بمعنى انى لما اتعامل مع زميلتى مثلا غير لما بتعامل مع حبيبى.
(فى الحاله الاولى)(زملتى مثلا) بيكون فى فرق بين الكدب والتخبيه يعنى اكدب عليها دى حاجه وخبى عليها دى حاجه تانيه خالص لانى من حقى ان مش كل حاجه عنى هى تعرفها انا ممكن اعرفها اللى انا عيزه اعرفهولها واخبى حاجه تانيه تكون خاصه بيا مش عايزه اعلرفهاها وده من حقى جدا وهى كمان مش من حقها انها تحاسبنى على ده لان دى خصصياتى انا وحياتى انا اظهر اللى عيزاه واخبى برده اللى انا احدده, اما بالنسبه للكدب فده واضح وبيكون مش محبوب فى كل علاقتنا سواء مع الاهل او الاصحاب او الحبيب.
(فى الحاله الثانيه)(حبيبى)مبيكنش فى اى فرق بين الاتنين الكدب زى التخبيه والتخبيه زى الكدب وده لما يكون الحب بين الاتنين حب حقيقى وقوى لانهم فى الحاله دى بيكونوا خلاص بئوا كيان واحد فمينفعش واحد فيهم يقول للتانى انت ملكش علاقه بحياتى اللى ئبلك, انا معاك ان مينفعش حد فيهم يحاسب التانى على حاجه هو عملها قبل مايعرفه بس برده مينفعش حد فيهم يخبى حاجه عن التانى حتى لو كانت فى حياته اللى كانت قبليه, لازم الاتنين يكونوا واضحين مع بعض لابعد الحدود وصدقنى لما الواحد يحكى لحبيبه على حاجه غلط كان بيعملها او عملها قبل مايعرفه بيكون مرتاح اوى لانه على الاقل بيحس بفرحه انه بطل يعمل الحاجه دى من يوم معرف حبيبه ده والطرف التانى لازم يكون ذكى شويه بانه مايثورش او يتنرفز او يزعل من حبيبه بسبب الحاجه اللى بيحكهالوا دى لازم يحسسه بالامان وبحنيته وانه مسمحه على الحاجه دى لمجردانه بس جه وحكالوا عليها.
فى اللحظه دى كل حاجه بتتحول لمشاعر جميله اوى ودافيه بين الحببين وهما الاتنين اللى بيحولوها للمشاعر والاحسيس الحلوه دى (بصراحه الطرف الاول وعدم تخبيته وبتسامح الطرف التانى وحنيته).
انما تخيل العكس بان واحد خبه حاجه وحشه عن حبيبه حصلت قبل كده والحبيب ده جه عرفها فى يوم من الايام الموقف ساعتها هيتغير تماما وبرده هوصفلك المشهد هيكون ازاى.
اللى خبه هيكون خايف اوى من حبيبه من رد فعله ومكسوف اوى اوى منه ومش قادر يبص فى عنيه والحبيب اللى اكتشف الحاجه دى هيكون فى قمه غضبه وزهئه من حبيبه لانه طول الفتره اللى كان فيها معاه كان مخبى عليه ده بجانب كمان الشك اللى ممكن او اكيد هيدخل جواه بان حبيبه ممكن يكون مخبى عليه حاجات اكتر من كده هو ميعرفش عنها حاجه,وكل ده طبعا كفيل بانه يعمل قلق وتوتر فى علاقتهم.
فانا من راى بين الحبايب باذات مفيش اجمل من الصراحه والوضوح لان دول اللى بيئسسوا حياه صح وناجحه, ومينفعش احط حدود بينى وبين حبيبى لاننا خلاص المفروض اننا بئينا حاجه واحده يعنى مينفعش انى احدد لحبيبى صلاحياته فيا لانى كلى بئيت اخصه وهو كله بئه يخصنى.
اما بالنسبه للمواقف الخاصه بالموضوع ده فهى كتييييييير اوى اوى عندى انا بئالى اربع سنين مع حبيبى اول محدد موقف كويس منهم هكتبهولك بس كل اللى انا زديت عليك بيه ده ناتج عن تجربه حئيئيه.
ومتشكره اوى على الموضوع الجميل ده اللى انت طرحته.
dodda